꧅ꦥꦤꦼꦔꦼꦫꦤ꧀ꦮꦺꦴꦁꦏꦁꦧꦏꦭ꧀ꦤꦼꦩꦸꦥꦶꦠꦸꦭꦸꦔꦤꦶꦁꦱꦸꦏ꧀ꦩ꧅
Panêngêran Wong Kang Bakal Nêmu pitulunganing Sukma
꧑ ꧋ꦏꦲꦺꦭꦶꦔꦤ꧀ꦏꦁꦠꦸꦩꦼꦏ꧉
1. Kaèlingan kang tumêka.
Kaèlingan kang tumêka kongsi mijilaké waspa.
Kayata: rumasa apêsing kawula, cupêting panêmu, ringkihing rasa, sarta tan bisa widada.
꧒ ꧋ꦗꦠ꧀ꦮꦶꦏꦏꦁꦠꦸꦩꦼꦏ꧉Kayata: rumasa apêsing kawula, cupêting panêmu, ringkihing rasa, sarta tan bisa widada.
2. Jatmika kang tumêka
Jatmika kang tumêka, kongsi mijilaké panalangsa. Kayata:
Rumasa kasluru utawa kaliru, luputé ora patut, salah ora kaprah, pintêr durung bênêr, rongèh dadi gorèh, wêkasan nuwuhaké antênging pamêlêng.
꧓ ꧋ꦲꦼꦭꦺꦏ꧀ꦏꦁꦠꦸꦩꦼꦏ꧉Rumasa kasluru utawa kaliru, luputé ora patut, salah ora kaprah, pintêr durung bênêr, rongèh dadi gorèh, wêkasan nuwuhaké antênging pamêlêng.
3. Êlèk kang tumêka
Kayata: nganggêp gêdhé pakolèhé marang wong kang ora turu, yaiku bisa mulat, bisa rumêksa, bisa sumurup, bisa èngêt, sarta nguripaké panca driya.
꧔ ꧋ꦮꦫꦼꦒ꧀ꦏꦁꦠꦸꦩꦼꦏ꧉
4. Warêg kang tumêka
Kayata: panarima jalaran saka nyirêp pangangsa, ngiwakaké karsa, ngungkuraké murka, ngarêpaké lêgawa, nêngênaké darma.
꧕ ꧋ꦱꦺꦴꦏꦸꦫ꧀ꦏꦁꦠꦸꦩꦼꦏ꧉
5. Sokur kang tumêka.
Kayata: ngluhuraké karsaning sukma, karana sakèhing titah iku kawula, dadi kaanggêp sapadha-padha, kabèh anduwèni sêdya kang bêcik, déné ana kang nuwuhaké piala iku saka pèpèting pakéwuh, sarta cupêting kawruh, marmané kudu sumarah lan sumanggêm saagnyaning sukma.
Wantu - wantuning pamêtik, muga aja lali ing pamundhi.
Mulané wong urip kudu nyumurupi sasmitaning pitulungan, supaya bisa numusi kalakoné, marmané disantosa ing cipta.
Aja pisan - pisan kongsi katuwuhan têtêngêr kang dadi kosok balining sih, iku bisa nuwuhaké sêdih, yèn widada goné kadunungan tandha utami.
Pikolèhé tan kasangsaya, ing wêkasan dadi mulya.
Out Of Topic Show KonversiHide Konversi Show EmoticonHide Emoticon